Լուսանկարչություն

Լուսանկարչության դասընթացում ուսանողները սովորում են հաղորդակցվել լուսանկարչական խցիկի միջոցով: Պատանիները սկսում են` ծանոթանալով լույսը ֆոտոխցիկով կառավարելու հմտություններին: Կոմպոզիցիայի հետ միասին նրանք բացահայտում են վիզուալ պատմություններ պատմելու մեթոդները, որոնք կարող են օգտագործվել աշխատանքի մեջ կամ պարզապես որպես հոբբի:

3 մակարդակի վերջում ուսանողները ձեռք են բերում հստակ պատկերացումներ լուսանկարչության, կոմպոզիցիայի, լույսի և ֆոտոպատմության մասին: Բացի այդ, նրանք տեսողական ընկալման և հաղորդակցման լուսանկարչական մեթոդների խորը ընկալում են ձեռք բերում:

photo 1 - Լուսանկարչություն

Մակարդակ I

Լուսանկարչության առաջին դասընթացը նվիրված է պահը ֆիքսելուն: Այն սկսվում է գործնական աշխատանքի ժամանակ լուսակայման սկզբունքները հասկանալով, որը ներառում է փորձեր թե՛ դրսում, թե՛ փակ տարածքում: Այնուհետև ուսանողները բացահայտում են լուսանկարչության հետարտադրության փուլը ու սովորում խմբագրել սեփական կադրերը:

Մակարդակ II

Այս մակարդակը նվիրված է լուսանկարչության ժանրերին, կոմպոզիցիային, կադրերի շրջանակներին, ինչպես նաև խմբագրմանը ավելի շատ ժամանակ հատկացնելուն: Գործնական առաջադրանքները հիմնված են կոմպոզիցիայի տարրերի վրա և գործածվում են փողոցային լուսանկարչության ոճում:

Մակարդակ III

Այժմ ուսանողները պատրաստ են նվիրվել լուսանկարչական պատմություններ պատմելու արվեստին: Ուսանողները ընտրում են պատմություն և որոշում` ինչպես պատկերել այն տեսախցիկով: Մակարդակի վերջում յուրաքանչյուր ուսանող ստեղծում է լիարժեք ֆոտոպատմություն, որով կարող է կիսվել աշխարհի հետ:

Photo icon - Լուսանկարչություն
Like
Like Love Haha Wow Sad Angry
3972