Ինչպես կարելի է կռահել անվանումից՝ շարժական գրաֆիկան վերցնում է ցանկացած 2 կամ 3D գրաֆիկա և այն դնում է շարժման մեջ։ Սա ենթադրում է կամ զրոյից պատկեր ստեղծելը, կամ էլ արդեն պատրաստի պատկեր օգտագործելը։

motiongraphics - Թումոյի շարժական գրաֆիկայի իրարանցումը

Չնայած, որ շարժական գրաֆիկան, առաջին հայացքից, ծրագրավորման կամ լուսանկարչության պես շատ գլամուրային չի երևում, այնուամենայնիվ, այս ոլորտն արագ զարգանում է, և այն անհրաժեշտություն է շատ այլ ոլորտներում՝ ներառյալ ֆիլմարտադրությունն ու վիդեոխաղերի դիզայնը։ «Հաճախ ուսանողները գալիս են առաջին մակարդակի դասընթացներին՝ առանց պատկերացում ունենալու, թե ինչ է շարժական գրաֆիկան․ նրանք ուղղակի հետաքրքրված են ինչ-որ նոր բան սովորելով։ Դասընթացի ավարտին նրանք արդեն հզոր հիմք ունեն և կարող են իրենց ընկերներին բացատրել՝ ինչ է շարժական գրաֆիկան»,- պատմում է Թումոյի շարժական գրաֆիկայի դասանթացավարներից Տաթև Ավետիսյանը։ Հիմա, ի՞նչ են պատանիները սովորում Թումոյի շարժական գրաֆիկայի դասընթացի յուրաքանչյուր մակարդակում։ Լավ հարց է։Click here to change this text

Մակարդակ I

Այս փուլում ուսանողները սովորում են After Effects-ի հիմունքները։ Ուսանողներին առաջադրանք է տրվում՝ պատմություն պատմել՝ Photoshop-ով ստեղծելով 4 մասից բաղկացած պատմատախտակ, իսկ անիմացիան ստեղծելիս նրանք պետք է ընդամենը մեկ անցում օգտագործեն։ «Առաջին մակարդակում նրանք սովորում են հիմունքներ, որոնք հետագայում անհրաժեշտ են լինելու երկրորդ և երրորդ մակարդակներում։ Ես ուզում եմ, որպեսզի After Effects-ից օգտվելը նրանց համար նույնքան բնական լինի, որքան թուղթ ու գրիչ օգտագործելը»,- նշում է շարժական գրաֆիկայի դասընթացավար Լորի Պողոսյանը։

Մակարդակ II

Արդեն շարժական գրաֆիկայի վերաբերյալ սկզբնական գիտելիքներ ունենալով և տիրապետելով անհրաժեշտ գործիքներին՝ թումոցիներին հնարավորություն կտրվի փորձարկել իրենց ստեղծագործ ջիղը։ Ուսանողները ընտրում են ցանկացած թեմա ու ստեղծում կարճ հոլովակ դրա մասին։ After Effects և Illustrator ծրագրերը օգտագործելուց հետո ուսանողները ցուցադրում են դասընթացի ընթացքում սովորած զանազան տեխնիկաներն ու հմտությունները, ինչպես լուսավորությունը, ձևերի անիմացիան, տեսախցիկի հետ աշխատանքը և 3D միջավայրի ստեղծումը։

Մակարդակ III

Այս փուլում ուսանողները լիովին ընկղմվում են թեմայի մեջ։ Աշխատելով մենակ կամ խմբերով՝ ուսանողներն իրենց նախընտրած թեմայով ստեղծում են ինֆոգրաֆիկական տեսանյութեր։ Առաջադրանքի իրականացումը պահանջում է ոչ միայն Photoshop, Illustrator և After Effects ծրագրերի իմացություն (իհա՜րկե, որովհետև դա չափազանց հեշտ կլիներ), այլ նաև հետազոտություն։ Ինֆոգրաֆիկայի վրա աշխատելիս ուսանողները պետք է հավաստիանան, որ իրենց հավաքած փաստերը տեղեկատվական են և թեման ճիշտ կերպ է ներկայացվում։ Առաջադրանքը հատկապես դժվար է, երբ այն խմբով է կատարվում, քանի որ պատանիները պետք է մեկ միասնական ոճ ստեղծեն, որին պետք է հետևեն խմբի բոլոր անդամները։

Երեք մակարդակների ավարտից հետո թումոցիներն արդեն տիրապետում են Photoshop, Illustrator և After Effects ծրագրերին։ Բացի այս, նրանք արդեն թեթև պատկերացում ունեն այն մասին, թե ինչ է իրենց սպասում շարժական գրաֆիկայի աշխարհում։ «Հերոսին զրոյից ես ստեղծում․ նախագծում ես, մշակում ես, դրան հյուսվածք ու կյանք տալիս»,- ոգևորված պատմում է Լորին։

Մենք շատ խոսեցինք շարժական գրաֆիկայի դասընթացի մասին։ Ժամանակն է հանդիպել դրա դասընթացավարների՝ Լորիի, Մարկի և Տաթևի հետ։

Motion Graphics icon - Թումոյի շարժական գրաֆիկայի իրարանցումը
Like
Like Love Haha Wow Sad Angry