Գրաֆիկական դիզայն

Ստեղծել պարզ, գեղեցիկ և, միևնույն ժամանակ, բազմաբովանդակ դիզայներական աշխատանքներ` համատեղելով պարզ ձևերը, գույները, գծերն ու տեքստերը: Գրաֆիկական դիզայնի միջոցով ուսանողները բացահայտում են աշխարհի հետ վիզուալ հաղորդակցումը: Հետևողական քայլերով ուսանողները ընդլայնում են իրենց մտահորիզոնն ու բացահայտում իրենց ստեղծագործական ներուժը:

Այսպիսով, ուսանողները ուսումնասիրում են դիզայնի հիմունքներն ու գլխավոր տարրերը, նախքան կստեղծեն դիզայների և բրենդինգի գործեր` օգտագործելով ոլորտի գլխավոր գործիքները` Adobe Illustrator-ն ու Photoshop-ը:

 

design - Գրաֆիկական դիզայն

Մակարդակ I

Գրաֆիկական դիզայնի հանդեպ հետաքրքրության հիմքերն այստեղ են դրվում։ Դասընթացի առաջին մակարդակում ուսանողները սովորում են օգտագործել Adobe Illustrator ծրագիրն ու հետազոտում 2D գրաֆիկան՝ ծանոթանալով ոլորտի լեզվին ու իրականությունը 2D դարձնելու արվեստին։

Մակարդակ II

2-րդ մակարդակի ուսանողները, զինված գրաֆիկական դիզայնի մասին բազային գիտելիքներով, սուզվում են հավելվածի և ինտերֆեյսի դիզայնի աշխարհ՝ բացահայտելով նաև ոլորտի այս կողմը: Աշխատելով տարածությունների ու դասավորությունների հետ՝ նրանք սկսում են հասկանալ, թե ինչ ազդեցություն կարող է ունենալ ճիշտ տառատեսակը կամ պատկերը ընդհանուր աշխատանքի վրա, փորձարկում են տարբեր ոճեր՝ իրենց գաղափարները կյանքի կոչելու համար:

Մակարդակ III

Այս մակարդակում յուրաքանչյուր ուսանող հայտնվում է գրաֆիկական դիզայների դերում` որևէ բիզնեսի համար լոգո մշակելով: Սկսելով դիզայնի համառոտագրից` ուսանողները ուսումնասիրում են բիզնեսը և մշակում վիզուալ կոնցեպտ և սկեթչ լոգոյի համար: Օգտագործելով ոլորտում կիրառվող ծրագրերը՝ ուսանողները այդ կոնցեպտը վերածում են վերջնական արդյունքի: Դասընթացի ավարտին յուրաքանչյուր ուսանող ներկայացնում է իր լոգոն` ցուցադրելով և պատմելով լոգոյի, գույնի, տպագրության, ոճի ընտրության պատճառների և ընդհանուր բիզնեսի մասին:

2D graphics icon - Գրաֆիկական դիզայն
Like
Like Love Haha Wow Sad Angry
10212