«Սկզբում առաջին տուփ էի հաճախում, բայց պարապմունքներս շատ էին ու հեռավորության պատճառով երբեմն բաց էի թողնում ինքուսուցման վարժանքները»,- պատմում է 16-ամյա Ռոզի Դավթյանը, որն արդեն մեկուկես տարի է հաճախում է Թումո և արդեն իսկ օրինակ է ծառայում հաջորդ սերնդին:

Երկու տարի անց Սպիտակն արդեն երկու Թումո տուփ ունի: «Այնքան ուրախ էի, երբ երկրորդ Թումո տուփը բացվեց մեր տանը ավելի մոտ»: Եվ Ռոզին միակը չէ: «Երբ քույրիկս դառնա 12 տարեկան, նրան էլ եմ բերելու, քանի որ Թումոն նպաստում է պատանիների զարգացմանը», – նշում է Ռոզին:

Թումո տուփերի աճող ցանցի շնորհիվ Լոռիում 12-18 տարեկան ավելի քան 1,000 պատանի յուրաքանչյուր շաբաթ ուսումնասիրում է տեխնոլոգիաների և դիզայնի ոլորտները Սպիտակում, Ստեփանավանում, Դսեղում, Ալավերդիում, Օձունում և Շնողում:

Ոգևորված ենք մեր անցած ճանապարհով և անսահման շնորհակալ ենք մեր նվիրատուներին և գործընկերներին, ովքեր օգնել են իրականություն դարձնել մեր երազանքները՝ դոկտոր Վարուժ Ալթեբարմաքեանին, Տէրմենճեան ընտանիքին, HSBC Հայաստան և Ամունդի-Ակբա Ասեթ Մենեջմենթ ընկերություններին: Սակայն Լոռիում ամենակարևոր քաղաքը սպասում է մեզ` Վանաձորը:

Հայաստանի երրորդ ամենամեծ քաղաք Վանաձորն ունի 75,000 բնակիչ, որոնցից 6,000-ը Թումոյի տարիքային խմբի պատանիներ են: Վանաձորը հայտնի է որպես տաղանդների քաղաք, և մենք անհամբեր սպասում ենք, թե տեղացի պատանիները ինչ հաջողությունների կարող են հասնել, եթե ունենան իրենց նախասիրությունները բացահայտելու հնարավորություն:

Թումոն Վանաձոր քաղաքում իր կենտրոնի համար շենքն արդեն ընտրել է, պահանջարկն էլ կա: Մեզ պարզապես անհրաժեշտ է ձեր աջակցությունը, որպեսզի իրականություն դարձնենք Թումո Վանաձորը:

Երևանի, Գյումրիի, Դիլիջանի, Կապանի, Կողբի, Եղեգնաձորի կենտրոններում և 37 տուփերում այժմ Թումոյի կրթությունը հասանելի է Հայաստանի 25,000 պատանիների: Սակայն մեր նպատակն է հնարավորություն տալ շաբաթական 80,000 պատանու Հայաստանի բոլոր անկյուններում ստանալ նորարարական կրթություն: Վանաձորը Թումո ընտանիքին ավելացնելով` մենք ավելի կմոտենանք այս նշաձողին` մեր կրթությունը հասանելի դարձնելով Հայաստանի 35,000 պատանու:

Այս օրերին բոլորս շնորհակալություն ենք հայտնում միմյանց և երախտապարտ կլինենք, եթե միանաք մեզ և աջակիցների մեր աճող համայնքին՝ իրականություն դարձնելու Թումո Վանաձորը: Ձեր կողմից նվիրաբերված յուրաքանչյուր դրամ օգնում է Թումոյի կրթությունը հասանելի դարձնել Հայաստանի բոլոր անկյուններում գտնվող պատանիներին՝ օգնելով նրանց ուսումնասիրել, ստեղծել և բացահայտել այն հնարավորությունները, որոնց մասին նրանք երազել են: Ձեր աջակցությունն իրականություն է դարձնում նրանց երազանքը:

Թումոն ցանկանում է բոլորին շնորհակալություն հայտնել այն առատաձեռնության համար, որը ցուցաբերում եք ամեն օր՝ հնարավոր բոլոր եղանակներով օգնելով իրականացնել մեր առաքելությունը: