Թումոն կենտրոններ ունի Երևանում, Դիլիջանում, Գյումրիում, Ստեփանակերտում` դրանց կից Թումո տուփերով, որոնք տարեց տարի ավելանում են։ Հայաստանից դուրս կենտրոններ կան Փարիզում, Բեյրութում, Մոսկվայում, Տիրանայում, Բեռլինում և Լիոնում:
0
կենտրոն
0
Թումո տուփեր
0
ուսանող
0
ամսական դասընթաց
0
Թումո շրջանավարտ
Թումո Երևան
Հալաբյան 16, Երևան, Հայաստան
+374 10 398 413
Թումոյի առաջին կենտրոնը բացվել է 2011-ն Երևանում։ Կենտրոնի անվանումը ոգեշնչված է Թումանյանի այգուց, որը կրում է նշանավոր հայ հեղինակ Հովհաննես Թումանյանի անունը: Երևանի կենտրոնը նախագծվել է ճարտարապետ Բերնար Խուրիի կողմից՝ Թումոյի մակավարժական մոտեցումը հաղորդելով ճկունությամբ, թափանցիկությամբ ու տեխնոլոգիական ստեղծարարությամբ: Այժմ կենտրոն է հաճախում շուրջ 15000 ակտիվ ուսանող:
Թումո Դիլիջան
Մյասնիկյան 63, Դիլիջան, Հայաստան
+374 268 225 86
Դիլիջան քաղաքում գտնվող երկրորդ Թումո կենտրոնը բացվել է 2013-ին՝ Հայաստանի կենտրոնական բանկի աջակցությամբ։ Թումո Դիլիջանը կրթություն է տրամադրում հարյուրավոր պատանիների, որոնց մի մասը կենտրոն է հաճախում հեռավոր գյուղերից։ Շենքի վերակառուցմամբ` 2021 թվականին Թումո Դիլիջանը դարձել է հանգույց-կենտրոն, որտեղ Բերդի և Գավառի Թումո տուփերի ուսանողները անցկացնում են իրենց դասընթացներն ու աշխատարանները: Թումո Դիլիջանն այժմ նաև ապահովված է կինոթատրոնով և վերանորոգված գրադարանով:
Թումո Գյումրի
Շչորսի 1, Գյումրի, Հայաստան
+374 60 750651
Թումո Գյումրին բացվել է 2015 թվականին` «Շանթ» հեռուստաընկերության ջանքերի, ՀԲԸՄ-ի աջակցության շնորհիվ և ժամանակավորապես տեղակայվելով Գյումրիի տեխնոլոգիական կենտրոնում։ 2020 թվականին կենտրոնը տեղափոխվեց Գյումրիի պատմական թատրոնի շենք` հնարավորություն ստանալով ընդունել կրկնակի ավելի` մինչև 4000 ուսանողի: Թատրոնի վերակառուցման նախագիծը հեղինակել է հանրահայտ ճարտարապետ Բերնար Խուրին։ Ճոն և Հասմիկ Մկրտիչեան հիմնադրամի աջակցությամբ վերակառուցված, տրանսֆորմացվող բեմով, երաժշտական սենյակով և դասասենյակներով հագեցած շենքն այժմ կարող է ծառայել ոչ միայն որպես Թումո կենտրոն, այլ նաև վերականգնել իր դերը որպես մշակութային կենտրոն քաղաքի բոլոր բնակիչների համար:
Թումո Ստեփանակերտ
Կնունյանցների 2, Ստեփանակերտ, Արցախ
+374 47 963036
Թումո Ստեփանակերտը ԹումոxՀԲԸՄ համագործակցության երկրորդ կենտրոնն է: Այն գտնվում է քաղաքի պատմական շինության առաջին հարկում, որը նվիրաբերվել է Թումոյին Արցախի կառավարության կողմից և վերանորոգվել է Ղարաբաղ Տելեկոմի աջակցությամբ: Ներկայումս կենտրոն է այցելում ավելի քան 1000 ուսանող Ստեփանակերտից և շրջակա բնակավայրերից։ Նախատեսվածից շատ ուսանողների հետաքրքրվածության արդյունքում կենտրոնը շուտով ընդլայնվելու է և տեղակայվելու նույն շենքի նաև երկրորդ հարկում։
Թումո տուփ Գավառ
Բունիաթյան 18/5, Գավառ, Գեղարքունիքի մարզ, Հայաստան
+374 95283823
Գավառի Թումո տուփը բացվել է 2020 թվականի դեկտեմբերին` dot818 ամերիկյան ընկերության աջակցությամբ։ Թումո տուփ նախագծի նպատակն է փոքր համայնքների պատանիների համար հասանելի դարձնել Թումոյի կրթական ծրագիրը՝ միևնույն ժամանակ ապահովելով նրանց կրթական տարածքով: Ուսանողները՝ ինքնուսուցման փուլը Գավառի Թումո տուփում անցնելուց հետո, ուղևորվելու են Թումո Դիլիջան՝ մասնագիտացված դասընթացներին մասնակցելու։
Թումո տուփ Բերդ
Հայկ Նահապետ 22/1, Բերդ, Տավուշի մարզ, Հայաստան
+374 95283823
ՀՀ Կենտրոնական Բանկի, Ամունդի-ԱԿԲԱ ընկերության և Հայգ հիմնադրամի հետ համագործակցության արդյունքում 2020 թվականի դեկտեմբերին Թումո տուփ բացվեց Բերդ քաղաքում։ Տուփը հնարավորություն է տալիս տեխնոլոգիաների և դիզայնի ոլորտներում կրթությամբ ապահովել տարեկան շուրջ 320 պատանու, ովքեր ինքնուսուցման փուլը Բերդում անցնելուց հետո՝ դասընթացներին ու աշխատարաններին մասնակցելու համար մեկնելու են ամենամոտ Թումո հանգույց՝ Դիլիջան, իսկ հետագայում նաև Կողբ։
Թումո տուփ Վայք
Ալավերդյան 15/1, Գավառ, Վայոց ձորի մարզ, Հայաստան
+374 41500886
Վայքի տուփը բացվել է 2021 թվականի դեկտեմբերի 20-ին` նույն օրը, ինչ Կապանի և Սևանի տուփերը։ Այս տուփն իրականություն է դարձել Արմինե և Արա Թավիթեանների աջակցությամբ:
Թումո տուփ Սևան
Կ․ Դեմիրճյան 21, Գեղարկունիքի մարզ, Հայաստան
+374 41500887
Սևանի տուփի ուսանողները հնարավորություն ունեն` տեղում անցնելու ինքնուսուցումը և այնուհետ Դիլիջանի կենտրոնում մասնակցելու դասընթացներին և աշխատարաններին: Տուփը բացվել է 2021 թվականի դեկտեմբերի 20-ին՝ անանուն նվիրատուների աջակցությամբ։
Թումո տուփ Կապան
Արամ Մանուկյան 7, Կապան, Սյունիքի մարզ, Հայաստան
+374 41500864
Կապանի տուփը ստեղծվել է Լարա Արսլանեանի, Կարապետ Պարտագճեանի, Սարին Սեմերճեանի աջակցությամբ։ Տուփը գործելու է մեկ տարի, ինչից հետո դրան կփոխարինի ամբողջական Թումո կենտրոն քաղաքի պատմական կայարանի շենքում, որը ներկայումս վերականգնվում է շնորհիվ Ջուդի Սարյանի և Վիկտոր Զարուգյանի առատաձեռն նվիրատվության։
Թումո Տուփ Մարտակերտ
Ազատամարտիկներ 158ա, Մարտակերտ, Արցախ
+374 97241467
Մարտակերտի Թումո տուփը նշանավորեց Թումոյի` Արցախում ընդլայնման ծրագրի մեկնարկը: 2015 թվականից ի վեր ՀԲԸՄ-ի աջակցությամբ Թումո Ստեփանակերտը ընդունել է շուրջ 4000 ուսանողի և անցկացրել է ավելի քան 300 դասընթացներ, 100 աշխատարաններ և անթիվ նախագծեր: Թումո տուփի բացումից հետո Մարտակերտի ուսանողները ծրագրի ինքնուսուցման մասն անցնում են տուփում, իսկ Ստեփանակերտ մեկնում դասընթացների և աշխատարանների համար՝ օգտվելով հատուկ ներդրված տրանսպորտային համակարգից։
Թումո Փարիզ
Forum des images
2 rue du cinema, Forum des Halles
Porte Saint-Eustache
Paris, France, 75001
+33 1 44 76 63 33
Թումոյի առաջին միջազգային կենտրոնը բացվել է 2018 թվականի հոկտեմբերին` Forum des Images հիմնադրամի և Փարիզի քաղաքապետարանի հետ համագործակցությամբ: Այն գտնվում է Փարիզի Les Halles կենտրոնում: Կենտրոնն անվճար կրթությամբ է ապահովում 12-ից 18 տարեկան շուրջ 1500 պատանու:
Թումո Բեյրութ
Beirut Digital District, #1079 շինություն, Բեյրութ, Լիբանան
79 108 666, 01666886
Բեյրութում բացված կենտրոնը երկրորդն էր Հայաստանից դուրս և առաջինն էր Միջին Արևելքում: Այն տեղակայված է Բեյրութի կենտրոնում` Beirut Digital District-ում: Բացումը տեղի է ունեցել 2018 թվակակին` Լիբանանի պատանիներին հնարավորություն տալով ուսումնասիրել ու հմտանալ Թումոյի կրթական ծրագրի 10 ուղղություններում:
Թումո Մոսկվա
Մանտուլինսկայա 7, շենք 3, Մոսկվա, Ռուսաստանի Դաշնություն
+7 985 743 5909
3-րդ միջազգային Թումո կենտրոնը բացվել է 2020 թվականի օգոստոսին: Թումոյի և Genome Ventures ընկերության համագործակցության արդյունքում բացված կենտրոնը տեղակայված է Մոսկվայի կենտրոնում, «Մոսկվա Սիթի» գործարար կենտրոնի հարևանությամբ: Շենքն ապահովված է բոլոր անհրաժեշտ ուսումնական տարածքներով` ինքնուսուցման հարթակներ, դասընթացների սենյակներ, երաժշտական ստուդիա և այլն: Ուսումն այստեղ վճարովի է, սակայն կենտրոնը տարեկան մեծ թվով դրամաշնորհներ է տրամադրում անվճար ուսուցման համար:
Թումո Տիրանա
Իտալիայի հրաապարակ 1, Արենա կենտրոն 1001, Տիրանա, Ալբանիա
+355 4 452 4065
Ալբանիայի մայրաքաղաք Տիրանայի նոր Թումո կենտրոնը բացվել է 2020 թվականի հոկտոմբեր ամսին։ Կենտրոնը ժամանակավորապես տեղակայվել է Ալբանիայի ամենամեծ մարզադաշտին կից բիզնես կենտրոնում։ Հետագայում` վերակառուցումից հետո, այն տեղափոխվելու է քաղաքի ամենահայտնի շենքերից մեկը` Տիրանայի բուրգ: Շենքի վերակառուցման նախագիծը իրականացվում է հոլանդական աշխարհահռչակ MVRDV ընկերության կողմից: Բուրգը լինելու է տեխնոլոգիաներին, դիզայնին ու արվեստին նվիրված բազմաֆունկցիոնալ կենտրոն։ Նախաձեռնությունը Ամերիկյան-ալբանական զարգացման հիմնադրամինն ու Տիրանայի քաղաքապետարանինն է:
Թումո Բեռլին
Վիլմերսդորֆեր 59, 10627 Բեռլին, Գերմանիայի Դաշնություն
+49 151 11 40 78 54
Բեռլինի Թումո կենտրոնը բացվել է 2020 թվականի նոյեմբերին։ Այն տեղակայված է քաղաքի պատմական Շառլոտենբուրգ թաղամասում։ Թումո Բեռլինը զբաղեցնում է նոր կառուցված շենքի 4 հարկերը։ Թումոյի 5-րդ միջազգային կենտրոնում հնարավորություն ունեն սովորելու շուրջ 1000 ուսանողներ՝ հմտանալով Թումոյի կրթական ծրագրի 10 ուղղություններում։ Թումո Բեռլինի պաշտոնական բացումը տեղի է ունեցել 2021 թվականին։
Թումո Կիև
Իվան Մազեպայի 1, Կիև, Ուկրաինա
+380 67 010 9100
Տեղակայված լինելով 18-րդ դարում հիմնադրված և վերջերս տեխնոլոգիական կենտրոնի վերածված «Արսենալ» գործարանի` 1844-ին կառուցված մասնաշենքերից մեկում, Թումո Կիևը հնարավորություն կտա ուկրաինացի պատանիներին հմտանալ տեխնոլոգիաների և դիզայնի այնպիսի ոլորտներում, ինչպիսիք են` ծրագրավորումը, անիմացիան, ռոբոտաշինությունը, գրաֆիկ դիզայնը և շատ ավելին:
Թումո Լիոն
78 route de Paris, 69 260 Charbonnières-les-Bains
04 80 92 00 50
2022 թվականի հունվարին բացվեց մեր յոթերորդ միջազգային տուփը` երկրորդը Ֆրանսիայում: Օվերն-Ռոն-Ալպեր շրջանի «Digital Region Campus»-ում գտնվող կենտրոնը ընդունում է 1500 ուսանողի և հովանավորվում է «Auvergne-Rhône-Alpes Orientation» ասոցիացիայի կողմից:
Թումոն ամբողջ աշխարհում
Թումոյի կրթական ծրագրի նկատմամբ աճող միջազգային հետաքրքրության առիթով մենք ներկայումս զբաղվում ենք կենտրոնի աշխարհագրության ընդլայնմամբ: 2018 թվականից ի վեր նոր կենտրոններ են բացվել Փարիզում, Բեյրութում, Մոսկվայում, Տիրանայում, Բեռլինում:
Գործընկերներ
Ճոն և Հասմիկ Մկրտիչեան հիմնադրամը առանցքային դեր է խաղում Թումոյի առաքելության կյանքի կոչման գործում: Հիմնադրամը համագործակցում է Թումոյի հետ այնպիսի նախագծերում, ինչպիսիք են Թումո ստուդիաները, Գյումրու առաջին թատրոնի վերականգնումն ու այնտեղ Թումո Գյումրիի տեղակայումը, գալիք Թումո Կողբը:
Հայաստանի կենտրոնական բանկի հետ համագործակցությունը մեկնարկել է 2013-ին՝ Դիլիջանում Թումոյի բացման շրջանակներում։ Թումո Դիլիջանը գտնվում է քաղաքի կենտրոնական գրադարանի շենքում, և մենք այժմ աշխատում ենք ՀԿԲ-ի հետ՝ ընդլայնելու Դիլիջանի ծրագիրն ու շրջակա բնակավայրերից ավելի շատ պատանիների ընդգրկելու ուղղությամբ։
1906 թվականին հիմնադրված Հայաստանի բարեգործական ընդհանուր միության նվիրված է Հայաստանում և ամբողջ աշխարհում կրթական, մշակութային և հումանիտար ծրագրեր իրականացնելուն։ ՀԲԸՄ-ի և Թումոյի համագործակցության արդյունքում բացվել են Թումո կենտրոններ Գյումրիում և Ստեփանակերտում՝ հասնելով 3000 ուսանողների։
